Endilikda nogiron bolalar, shu qatorda ko`zi ojizlar ham Bolalar musiqa va san`at maktablarida bepul ta`lim olishi mumkin. Bu haqda Madaniyat vazirligi Axborot xizmati xabar qiladi.
Avvalgi tartibga ko`ra, Bolalar musiqa va san`at maktabida ta`lim olayotgan o`quvchilarning umumiy soniga nisbatan 25 foizigacha miqdorda kam ta`minlangan oilalarning farzandlari bepul o`qishi mumkin edi.
Joriy yilda respublika bo`ylab Bolalar musiqa va san`at maktablarida 355 nafar nogiron o`quvchilar ta`lim olishdi, shundan 320 nafari ko`zi ojiz bolalar hisoblanadi.
2020/2021 o`quv yilida nogironligi bor 650 nafargacha o`quvchini qamrab olish rejalashtirilgan.
