Ushbu chorakda global savdolarda shakar narxi oxirgi to`rt yil ichida eng katta o`sishni ko`rsatmoqda. Xususan, Nyu-York fond birjasida shakar xom ashyosining fyuchers shartnomalari narxlari mart oyi oxiridan deyarli 13 foizga ko`tarildi. Bu 2016 yilning ikkinchi choragidan beri eng katta o`sish hisoblanadi.
Ekspertlarga ko`ra, mazkur holatga neft bozorlaridagi jonlanish va shakar o`rnini bosuvchi mahsulotlarni etkazib berishdagi uzilishlar sabab bo`lgan.
Xalqaro Shakar Tashkilotining ((ISO) may oyidagi hisobotiga ko`ra, koronavirus pandemiyasidan beri global shakar iste`moli 2,1 million tonnaga kamaygan. Ammo, bu shakar bozorida narx tushishini anglatmaydi. Boisi, COVID-19 tufayli mamlakatlarda o`rnatilgan karantin choralari mahsulot etkazib berishda uzilishlarga olib kelish ehtimoli bor, bu esa global shakar bozorida narxlarning yana o`sishiga olib kelishi mumkin.