Madaniyat vaziri Ozodbek Nazarbekov Namangan viloyatida bo`lganida To`raqo`rg`on madaniyat markaziga tashrif buyurdi.
Madaniyat markazi faoliyatini o`rganish asnosida O.Nazarbekov markaz rahbar-xodimlari bu erda yaratilgan sharoitlardan unumli foydalanmayotganligi, jumladan xonalarning to`g`ri taqsimlanmagani, xoreografiya, aktyorlik san`ati, cholg`u yo`nalishdagi xonalar o`z uslubida jihozlanmaganini jiddiy tanqid ostiga oldi. Bu haqda O`zbekiston Respublikasi Madaniyat vazirligining rasmiy telegram kanalida ma`lum qilindi.
Markazdagi kutubxona faoliyati bilan tanishar ekan ko`proq tarixiy kitoblar Mashrab, Chustiy kabi tarixiy shaxslarning kitoblari bilan boyitish lozimligini alohida ta`kidladi.
