Boshqirdistonning Sterlitamak shahrida 25 yoshli BMW X5 avtomobili haydovchisi yo`lni kesib o`tayogan piyodani urib yubordi, oqibatda piyoda voqea joyida halok bo`ldi. Bu haqda “TASS” xabar bermoqda.
“Dastlabki ma`lumotlarga ko`ra, piyoda svetoforning ta`qiqlovchi-qizil chirog`ida yo`lni kesib o`tayotganida, haydovchi uni urib yuborgan. 51 yoshli erkak kishi og`ir tan jarohatlari olgan va voqea joyida vafot etgan”, — deyiladi xabarda.
Hozirda yo`l-transport hodisasi sabablari o`rganilmoqda.
BMW haydovchisi bundan oldin ham ko`p marotaba yo`l harakati qoidalarini buzganligi aytilmoqda. Xususan, 2015 yil mobaynida u 20 marta ma`muriy javobgarlikka tortilgan, davlat avtoinspeksiyasi bazasida esa haydovchi tomonidan 60 martadan ko`proq qoidabuzarlik sodir etilgani qayd etilgan.
Boshqirdistonda 2015 yilning 10 oyi mobaynida 3,7 mingta YTH ro`yxatdan o`tkazilgan, ularda 501 kishi hayotdan ko`z yumgan, 4,7 ming kishi esa jarohatlangan. 316 ta YTH mast holda avtomobil boshqarish oqibatida yuzaga kelgan. Mast holda avtomobil boshqargan haydovchilarning aybi bilan 51 kishi vafot etgan, 441 kishi jarohatlangan.
