Xalqaro boks federasiyasi (IBF) professional boksda faoliyatini olib borayotgan charm qo`lqop ustalarining yangilangan reytingini e`lon qildi. Olamsport.com'ning ma`lum qilishicha, ushbu reytingdan o`zbekistonlik uch nafar bokschi o`rin olgan.
Yangilangan reytingda ikkinchi engil vazn toifasida (-55,3 kg) Murodjon Ahmadaliev chempion sifatida qayd etilgan. Ahmadaliev shuningdek, WBA yo`nalishi chempioni ham hisoblanadi.
Birinchi yarim o`rta vazn toifasida (-63,5 kg) Shohjahon Ergashev oltinchi o`rinda qolgan. Ushbu vaznda chempionlik kamari Josh Teylorga tegishli.
Yarimo`rta vazn (-66,6 kg) toifasida Qudratillo Abduqahhorov esa avvalgidek 1-pog`onadan joy olgan. U mazkur vazn toifasida chempionlik kamari uchun asosiy da`vogar hisoblanadi. Ayni paytda IBF kamari Errol Spensga tegishli.