“O`zbekkino” MA tomonidan Butunrossiya davlat kinomatografiya instituti (VGIK) bilan hamkorlikda kinomutaxassislar tayyorlash, shuningdek, master-klasslar o`tkazish uchun institut professor-o`qituvchilarini jalb qilish bo`yicha kelishuvga erishilgan edi. Unga ko`ra, Butunrossiya davlat kinomatografiya institutiga kino sohasiga qiziquvchi, ushbu yo`nalishda tahsil olishni istagan o`zbekistonlik abiturientlar uchun tanlov asosida onlayn qabul o`tkaziladi.
O`qishga kirish VGIKning quyidagi fakultetlari bo`yicha amalga oshiriladi:
•Kino va televizion rejissyorlik yo`nalishi:
-Badiiy film va telefilm rejissyorligi
-Nobadiiy film va telefilm rejissyorligi
-Televizion ko`rsatuvlar rejissyorligi
-Animasiya va kompyuter grafikasi bo`yicha
-Multimedia rejissyorligi
• Dramaturgiya
• Kinooperatorlik
• Prodyuserlik
Hujjat topshirish istagida bo`lgan abiturientlar uchun rus tilini bilish muhim hisoblanadi. Kerakli hujjatlar hamda ijodiy ishlar quyidagi elektron manzil orqali 15.07.2020 gacha qabul qilinadi: uzbekkino_vgik@mail.ru
Qabul qilingan arizalar bo`yicha to`liq ma`lumotlarni quyidagi manzildan olish mumkin:
https://vgik.info/abiturient/higher/index.php?SECTION_ID=65
Ma`lumot uchun: +99897 700 49 54, Sayyora Xudoyberdieva
