2015 йилнинг энг машҳур калит сўзлари SplashData компанияси томонидан аниқланди. Тадқиқот давомида экспертлар томонидан маълумоти ўғирланган 2 миллион фойдаланувчининг калит сўзлари комбинацияларини ўрганилди.
Интернетда 2015 йилда аввалгидай «123456» ва «password» («пароль») сўзлари машҳурлигича қолмоқда, энг кўп ишлатиладиган калит сўзлар рўйҳатига шунингдек, 1234, 12345 кирган. Инглиз тилида сўзлашувчилар орасида «welcome» («хуш келибсиз») пароли ҳам машҳур.
Рейтинг етакчилари қаторидан – «princess» («малика»), «football» (футбол), «baseball» (бейсбол), «login», «qwertyuiop» (клавиатура ҳарфларининг юқори қавати), «abc123» кабилар жой олди.
2015 йилда яна бир қизиқарли калит сўз ҳам пайдо бўлган бу – «1qaz2wsx»: бу вариация «1» ва «2» тугмачасидан пастга уч қатор санаганда келиб чиқади.
