Лондоннинг “Арсенал” жамоаси “Челси” собиқ бош мураббийи Жозе Моуриньо учун курашга қўшилди. Бу ҳақда Sunday Times нашри журналисти Данкан Каслс маълум қилган.
“Тўпчилар” раҳбарияти узоқ йиллардан буён бош мураббий сифатида ишлаб келаётган Арсен Венгер ўрнига бошқа мутахассис излашга тушди. Улар орасида портулагиялик 53 ёшли мураббий ҳам бор. Манбанинг ёзишича, Лондон клуби расмийларидан бири Моуриньо агенти Жорже Мешден билан алоқага чиққан.
Шунингдек, “Арсенал” раҳбарияти “Интер” устози Роберто Манчинини ҳам кўз остига олиб қўйган.
Ҳозирги кунда Жозе Моуриньога асосий даъвогар сифатида “Манчестер Юнайтед” жамоаси эътироф этилмоқда. Катта эҳтимол билан у ёзда Луи ван Гал ўрнини эгаллайди.
