"ПСЖ" клуби ҳужумчи Килиан Мбаппе фаолиятини "Реал"да давом эттириши мумкин. Бу ҳақда Marca хабар бермоқда.
Қайд этилишича, "Реал" 23 ёшли франциялик футболчига 6 йиллик шартнома таклиф қилган. Унинг испан клубидаги маоши йилига 21 миллион еврони ташкил қилади. Қолаверса, шартнома имзолаши учун 40 миллион евро бонус олиши ҳам кўзда тутилмоқда.
Ўз навбатида "ПСЖ" ҳам Мбаппе билан янги шартнома имзолашни истамоқда. Бироқ Килиан клубнинг ҳар қандай таклифини қабул қилгани йўқ.
Маълумот учун, Мбаппе "ПСЖ" сафида барча турнирлар доирасида 26та ўйин ўтказиб, 19та гол урди урган.
