Габонлик ҳужумчи Пьер-Эмерик Обамеянг "Арсенал"ни тарк этди. Бу ҳақда клуб матбуот хизмати хабар бермоқда.
"Арсенал" Обамеянг билан шартнома томонлар келишувига кўра бекор қилган.
32 ёшли футболчи сўнгги 2,5 мавсум давомида "Арсенал" сардори бўлди. Обамеянг сафида барча мусобақаларда 162та ўйин ўтказиб, 92та гол урди.
Унинг кейинги жамоаси "Барселона" бўлиши айтилмоқда. Футболчи аллақачон каталонияликлар машғулотларида иштирок этмоқда. Бироқ клуб унинг трансферини ҳали эълон қилганича йўқ.
