– Ёзда балиқ мойи каби таркибида D витамини бўлган препаратлар тақиқланар экан. Агар аввалдан мазкур витаминни қабул қилиб келаётган бўлсам, энди тўхтатиб туришим керакми?
Асал Ибрагимова, Тошкент вилояти
– Ёз фаслида ультрабинафша нурлари теримизга D витаминини улашади. Демакки организмимиз мазкур витаминни ўзи ишлаб чиқара олади. Эрталабки соат 11:00 гача сайр қилиш D витамини заҳирасини тўлдириш учун етарли бўлиб, уни препарат кўринишда қабул қилиш тавсия этилмайди. Қолаверса, тухум сариғи ва сут – қатиқ маҳсулотлари етарлича истеъмол қилинса D витамин тақчиллиги келиб чиқмайди. Сизнинг вазиятингизда даволовчи шифокорингиз билан маслаҳатлашишни ва кўпроқ овқатланиш рационига эътибор қаратишингизни тавсия қиламан.
