Кеча, 30-апрел куни Туниснинг Монастир шаҳрида ўтказилаётган ITF теннис турнирида ҳамюртимиз Нигина Абдураимова хитойлик Жинг Луга қарши баҳс олиб борди. Бу ҳақда Спортни ривожлантириш вазирлиги хабар берди.
1 соат 43 дақиқа давом этган ўйинда Нигина 6:4, 6:4 ҳисобларида ғалаба қозонди ва финал йўлланмасини қўлга киритди.
Бугун Нигина мусобақа ғолиблиги учун Испания ёки Хитой вакилаларидан бирига қарши кортга чиқади.
