Бир муддат аввал Италия футболи юлдузлари Тошкентга келиши кутилаётгани ҳақида хабар берган эдик.
Айни дамда Тошкент халқаро аэропортида уларни кутиб олиш маросими бўлиб ўтмоқда. "Darakchi.uz" мухбири жараёнда бевосита иштирок этмоқда.
Маълумот учун, эртага, 18 май куни Италия ва Ўзбекистон футболи афсоналари ўртасида учрашув бўлиб ўтади. Мазкур ўйиндан олдин бир қатор ижтимоий тадбирлар бўлиб ўтиши режалаштирилган.
Бу ҳақда Ўзбекистон Футбол Ассоциацияси хабар бермоқда. Хусусан, бугун соат 16:00да Ўзбекистон ва Италия футболи афсоналари иштирокидаги матбуот анжумани ўтказилади. 17:00да эса футбол афсоналари ҳамда ёш футболчилар иштирокида мастер-класс бўлиб ўтиши кутилмоқда.
