Ҳолатга ичкилик ортидан келиб чиққан жанжал сабаб бўлгани айтилмоқда. Фарғона вилояти Марғилон шаҳридаги қурилиши тугалланмаган бино ертўласидан 1960 йилда туғилган фуқаронинг жасади топилди. Бу ҳақда Zamon.uz' интернет нашри ёзмоқда.
Маълум қилинишича, гумондор ва жабрланувчи аввалдан таниш бўлган ва жиноят содир этилган жойда бирга спиртли ичимлик ичишган. Шундан сўнг ўзаро жанжаллашиб, бири иккинчисига оғир жароҳат етказган. Оқибатда жабрланувчи воқеа жойида вафот этган.
Олиб борилган тезкор тадбирлар натижасида жиноятни Фарғона шаҳрида яшовчи 1985 йилда туғилган фуқаро содир этгани аниқланиб, ушланган.
