“Халқаро шартномани тасдиқлаш тўғрисида”ги Президент қарори (ПҚ–272-сон, 07.06.2022 й.) қабул қилинди. Бу ҳақда Адлия вазирлиги хабар қилди.
Қарорга мувофиқ, Ўзбекистон ҳамда Қатар Давлати Ҳукуматлари ўртасида ҳаво қатнови тўғрисидаги Битим тасдиқланди.
Мазкур Битим 2021 йил 9 июнда Тошкент шаҳрида имзоланган.
Транспорт вазирлиги Битимни амалга ошириш учун масъул ҳисобланади.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин Ўзбекистоннинг мажбуриятлари бажарилишини таъминлайди.
