Ҳозиргина бортида Эрон Ислом Республикаси президенти Иброҳим Раисий бўлган самолёт Самарқанд халқаро аэропортига келиб қўнди. Бу ҳақда "Darakchi" мухбири хабар берди.
Эроннинг ШҲТ ва Марказий Осиё учун аҳамиятига тўхталадиган бўлсак, дунёда бевосита чегарадош давлатлар сони бўйича энг катта мамлакат бўлган Эрон Марказий Осиёни Яқин шарқ, Жанубий Осиё, Кавказ ва Европа билан боғловчи чорраҳадир.
Маълумки, Эроннинг Чабаҳар денгиз портлари Марказий Осиёни жаҳон бозори билан боғлашда муҳим аҳамият касб этиши мумкин. Шу жиҳати билан ҳам Эроннинг ШҲТ билан ҳамкорлиги жуда муҳим ва манфаатлидир.
