Paphos шаҳрида ўтказилаётган Candidates Tournament 4-турида Жавоҳир Синдоров АҚШ вакили Fabiano Caruanaни мағлуб этди. Ушбу ғалабадан сўнг ўзбекистонлик шахматчи 4 партиядан 3,5 очко жамғариб, умумий жадвалда якка пешқадамга айланди.
Аввалроқ Жавоҳир Синдоров турнирнинг илк турида россиялик Andrey Esipenkoни енгган, 2-турда германиялик Matthias Bluebaum билан дуранг ўйнаган эди. 3-турда эса ҳиндистонлик R Praggnanandhaa устидан зафар қучган.
Маълумот учун, Жавоҳир Синдоров жаҳон чемпионилиги учун курашиш имконини берувчи ушбу турнирда иштирок этаётган илк ўзбекистонлик шахматчи ҳисобланади.
