Президент Шавкат Мирзиёев янги иш ҳафтасини Венгриянинг "OTP" банки делегацияси билан учрашувдан бошлади. Бу ҳақда Президент матбуот котиби Шерзод Асадов хабар қилди.
Маълум қилинишича, музокаралар кун тартибидан олий даражадаги келишувларни амалга ошириш масалалари ўрин олган. Европанинг ушбу етакчи банки Ўзбекистон банк-молия бозорига кириш жараёнини бошламоқда.
Маълумот учун6 бугун, 12 декабрь куни Венгриянинг OTP Bankи томонидан Ўзбекистоннинг АТИБ "Ипотека-банк"ини сотиб олиш бўйича шартноманинг имзоланишига бағишланган матбуот анжумани бўлиб ўтади. "darakchi.uz" мазкур келишув тафсилотларини маълум қилади.
