Сурияда диктатор Асад тарафдорлари исён кўтарди - тўқнашувларда 13 нафар куч ишлатар ходими ҳалок бўлган.
Суриянинг собиқ президенти Башар Асад тарафдорлари – шиа-алавийлар билан юз берган тўқнашувлар натижасида янги ҳукумат давлат хавфсизлик хизматининг камида 13 ходими ҳалок бўлди. Улар Жабла шаҳри ва Латакия қишлоқ ҳудудларида бир неча ҳужумларни амалга оширган, деб хабар беради Syria TV. Таъкидлаш керак, Жабла яқинида Россиянинг Ҳмеймим авиабазаси жойлашган.
Канал маълумотларига кўра, Жабладаги денгизчилик коллежи яқинида шиддатли тўқнашувлар давом этмоқда. Латакия яқинидаги тўқнашувлар ҳудудига Сурия армиясининг вертолёт ва самолётлари юборилган. Syria TV манбасининг хабар беришича, Сурия Мудофаа вазирлиги у ерга қуролли кучлардан иборат қўшимча қўшин юбориш ҳақида қарор қабул қилган.
Латакия умумий хавфсизлик департаменти директори Мустафо Кнефати Sana агентлигига маълум қилишича, Асад тарафдорлари Жабла ва унинг атрофидаги бир неча назорат-ўтказиш пунктлари ҳамда патрулларга ҳужум қилган. Унинг сўзларига кўра, "кўплаб аскарлар" ҳалок бўлган ва яраланган, аммо аниқ сони кўрсатилмаган.
2024 йил 8 декабрда "Ҳайъат Таҳрир уш-Шом" гуруҳи диктатор Башар Асад режимини ағдариб Сурияда ҳокимиятни гуруҳи эгаллаган эди. Президент Башар Асад оиласи билан Россияга қочиб кетган ва Москва унга сиёсий бошпана берган эди. 2025 йил феврал охирида унинг тарафдорлари Дамашқдаги блокпостга ҳужум уюштирган, қурбонлар ва жабрланувчилар бўлгани қайд этилган.
Абдуллоҳ Саййид
