Вуди Аллен Британиянинг The Guardian нашрига берган изоҳида:
“Украинадаги можаро ҳақида гап кетганда, мен қатъий ишонаманки, Владимир Путин бутунлай нотўғри. У бошлаган уруш даҳшатли. Аммо сиёсатчилар нима қилмасин, санъат суҳбатларини тўхтатиш тўғри йўл эмас”, — дейди.
Режиссёр Москвадаги Халқаро кино ҳафталигида онлайн шаклда қатнашган. Суҳбатни россиялик режиссор Фёдор Бондарчук олиб борган. Аллен суҳбатда Россия киносини қадрлашини ва илгари Москвада ҳам, Санкт-Петербургда ҳам бўлганини айтган.
Украина Ташқи ишлар вазирлиги Алленнинг ушбу иштирокини “шармандалик” деб атади. Орадан кўп ўтмай, режиссор “Миротворетс” базасига киритилди.
