Рейтинг хавфсизлик даражаси, жиноятчилик, ҳарбий можаролар хавфи, ижтимоий барқарорлик ва аҳолининг ўзини хавфсиз ҳис қилиши каби 23 та мезон асосида шакллантирилган.
Ҳисоботга кўра, дунёнинг энг хавфсиз беш давлати қуйидагилар бўлди:
- Исландия;
- Янги Зеландия;
- Швейцария;
- Словения;
- Ирландия.
Таҳлилчиларга кўра, мазкур мамлакатларнинг юқори ўринларни эгаллашига паст жиноятчилик даражаси, сиёсий барқарорлик, кучли ижтимоий ҳимоя тизими ва аҳоли ўртасидаги юқори ишонч муҳити сабаб бўлган.
Хусусан, Исландия 2008 йилдан буён деярли узлуксиз равишда рейтингнинг биринчи поғонасини сақлаб келмоқда. Янги Зеландия эса 2026 йил натижаларига кўра иккинчи ўринга кўтарилди.
Швейцария иқтисодий ва сиёсий барқарорлиги билан ажралиб турса, Словения илк бор энг хавфсиз бешликдан ўрин олди. Ирландия эса паст зўравонлик даражаси ва халқаро можаролардан четда туриши билан юқори баҳоланди.
Ҳисоботда Ўзбекистон ҳам ижобий натижа қайд этган. Мамлакат Global Peace Index 2026 рейтингида 163 давлат орасида 37-ўринни эгаллаб, ўтган йилга нисбатан 10 поғона юқорилади.
Шунингдек, Ўзбекистон Марказий Осиё давлатлари орасида энг юқори натижани қайд этиб, минтақада биринчи ўринни эгаллади.
