Тошкент шаҳар ИИББ ЙҲХБнинг берган хабарига кўра, бугун, 6 сентябрь куни соат тахминан 02:50 атрофида Тошкент шаҳар Миробод тумани Афросиёб кўчасида ЙТҲ содир бўлган.
Маълум қилинишича, Audi автомашинаси ҳайдовчиси бошқарувни йўқотиб, Ford русумли тез ёрдам машинаси билан тўқнашиб кетган. Тўқнашув оқибатида тез ёрдам машинаси ағдарилиб кетган.
Воқеа жойига етиб келган шифокорлар Ford автомобили ҳайдовчиси ва йўловчисига биринчи шошилинч тиббий ёрдам кўрсатган.
Мазкур ҳолат юзасидан терговга қадар текширув ҳаракатлари олиб борилмоқда, дейилади хабарда.
