Тошкент шаҳри Нукус кўчасида жойлашган кўп қаватли уйнинг ташқи қисмида 13 июнь куни ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, ёнғин ҳақидаги хабар соат 10:21 да шаҳар Фавқулодда вазиятлар бошқармасига келиб тушган. Қутқарувчилар воқеа жойига 10:23 да етиб борган.
Ёнғин бошланганидан сўнг уй аҳолиси хавфсиз ҳудудга эвакуация қилинган.
Ҳодиса соат 11:00 да ёнғин тарқалиши тўхтатилган, 11:10 да эса тўлиқ ўчирилган.
Дастлабки маълумотларга кўра, жабрланганлар йўқ.
Ижтимоий тармоқларда тарқалган кадрларда бинoning ташқи қопламаси аланга олгани акс этган. Ёнғин сабаблари аниқланмоқда.
