БМТ Бош Ассамблеясининг 80-сессияси доирасида Украина Президенти Владимир Зеленский ва Қозоғистон Президенти Қасим-Жомарт Токаев учрашув ўтказди. Бу икки давлат раҳбарларининг Россия–Украина уруши бошланганидан кейинги илк мулоқоти бўлди.
Зеленский учрашувдан сўнгги баёнотида Украина, АҚШ, Европа ва бошқа шерикларнинг урушни тўхтатиш ва одамлар ҳаётини асраш йўлидаги саъй-ҳаракатлари муҳокама қилинганини маълум қилди. Шунингдек, Украина иқтисодиётини тиклаш жараёнида қозоқ компанияларининг иштирокидан манфаатдорлик масаласига ҳам эътибор қаратилди. Зеленский Қозоғистонга мамлакат суверенитети ва ҳудудий яхлитлигини қўллаб-қувватлагани учун миннатдорлик билдирди.
Қозоғистон раҳбари Қасим-Жомарт Токаев эса баёнотида можарони бартараф этиш йўлларини излаш мақсадида дипломатик ҳаракатларни давом эттириш зарурлигини таъкидлади.
