Астрономларнинг маълумотига кўра, Ой Ерга 356 минг 832 км масофагача яқинлашади. Шу сабабли у одатдагидан каттароқ ва ёрқинроқ кўринади. Тошкент вақти билан тўлиқ ой фазаси 18:19 да бошланади, Ой эса энг яқин нуқтага ярим тунда етади.
Кузатиш учун осмон тиниқ бўлиши кифоя. Шарқ ёки жануби-шарқ томони очиқ жойлар энг қулай вариант. Ой горизонтга яқин пайтда энг катта кўринади — бу оптик иллюзия туфайли юзага келади.
Астрономлар махсус ускуналарсиз ҳам “супер ой”ни кузатиш мумкинлигини айтмоқда. Аммо суратга олишни истаганлар учун энг чиройли кадрлар Ой чиқишининг дастлабки дақиқаларида пайдо бўлади.
