Ирландияга қарши беллашувда (0:2) Дара О’Ши билан тўқнашувдан сўнг майдондан ҳайдалган Криштиану Роналду Арманистонга қарши 9:1 ҳисобидаги йирик ғалабада қатнашмади. Ҳозирча португалиялик суперҳужумчининг дисквалификацияси неча ўйинга белгиланиши аниқ эмас, шу боис унинг Жаҳон чемпионати очилиш учрашувини ўтказиб юбориш эҳтимоли ҳам мавҷуд.
“JM-madeira”нинг ёзишича, FPF президенти Педро Проэнка бошчилигида тайёрланаётган аризада жазони енгиллаштириш учун уч асосий далил келтирилмоқда: стадиондаги кескин вазият ва Ирландия мураббийи томонидан Роналдуга нисбатан танқидлар, тўқнашувдан олдин Дара О’Шининг Роналду формасини тортгани орқали қилинган провокация, шунингдек, португалиялик юлдузнинг терма жамоадаги намунавий интизоми — 226 та ўйинда бирор марта ҳам қизил карточка олмагани.
Федерация ушбу далиллар орқали Роналдунинг дисквалификациясини қисқартириш ёки бекор қилишга эришиб, уни ЖЧ–2026нинг илк ўйинига етакламоқчи.
