Ички ишлар ва Давлат хавфсизлик хизмати вилоят бошқармалари ҳамкорлигида ўтказилган тадбирда “Сангзор 15” ЙПХ постида “Кобальт” русумли автомашина тўхтатилиб, текширилди.
Холислар иштирокида ўтказилган кўздан кечириш жараёнида ҳайдовчи ўриндиғи остидан 338 грамм марихуана борлиги аниқланди.Маълум бўлишича, ушбу гиёҳвандлик воситаси сотиш мақсадида олиб кетилаётган бўлган.
Шундан сўнг, 1981 йилда туғилган автомашина эгасининг яшаш хонадонида кечиктириб бўлмас тинтув ўтказилиб, у ердан яна 19,5 грамм марихуана топилди.
Мазкур ҳолат юзасидан фуқарога нисбатан Жиноят кодексининг 273-моддаси билан жиноят иши қўзғатилди.
