ФИФА ўз талқини бўйича йилнинг энг яхши футболчисига бериладиган мукофотни мукофотни намойиш қилди.
"The Best" номини олган ушбу мукофот учун “Реал” ҳужумчиси Криштиану Роналду, “Барселона” етакчиси Лионель Месси ва “Атлетико” форварди Антуан Гризманн кураш олиб боради.
Мукофот шу йилнинг 9 январь куни Швейцариянинг Цюрих шаҳрида бўлиб ўтадиган тантанали маросимда топширилади.
Қайд этиш жоиз, 2016 йилги мавсумдан бошлаб France Football ва ФИФА дунёнинг энг яхши футболчисини алоҳида-алоҳида аниқлаб, уларга бошқа-бошқа совринлар топширадиган бўлди.
Эслатиб ўтамиз, France Football томонидан бериладиган “Олтин тўп”га бу йил Криштиану Роналду эгалик қилди.
