​Қулупнайнинг 9 фойдаси

Мева таркибида В1 витамини мавжудлиги сабабли қулупнай асаб тизими фаолиятига ижобий таъсир кўрсатади.

В2 витамини эса кўз нурига фойда.

Шарбати иштаҳани очса, мевасини мавсум давомида истеъмол қилиш юрак фаолиятини яхшилаб, иммунитетни оширади.

Кам калорияли бу мева қоматингизга асло хавф солмайди.

Қулупнай фолий кислотасига бойлиги сабабли хотирани мустаҳкамлайди.

Бир нечта меваларни эзиб, озгинга лимон шарбати қўшинг-да, сепкиллар устидан суртинг. Бу муолажани қулупнай мавсуми давомида амалга оширсангиз, сепкилларингиз кўзга ташланмайдиган бўлади.

2-3 дона меваларни эзинг. 1 чой қошиқ асал қўшинг-да, яхшилаб аралаштиринг. Сўнгра юзингизга суртиб, 10 дақиқа кутинг. Совуқ сув билан ювиш керак. Ёғли юз териси учун жуда фойдали.

Қулупнай меваларини эзиб, озгина майда туз қўшсангиз, ажойиб скраб тайёр бўлади. Айлана ҳаракатлар билан юзингизни уқалаб, скарбдан суртасиз-да, совуқ сув билан ювасиз. Кейин парваришловчи крем суртишни унутманг.

Қуруқ ва нормал юз териси учун эса ушбу ниқоб айни муддао. Қулупнайни сметана билан аралаштириб, юз терисига суртинг. Ажин тушишининг олдини олиб, юзни тетиклаштиради.