Хабарингиз бор, 3 июнь куни Кардифф шаҳрида “Ювентус” ҳамда “Реал” жамоалари ўртасида ЕЧЛ финал баҳси бўлиб ўтди. Учрашув Зидан шогирдларининг 1:4 ҳисобидаги йирик ғалабаси билан якунланди.
Эътиборлиси, шу куни Жанлуижи Буффон қўриқлаётган дарвозани икки бор аниқ нишонга олиб, дубль қайд этган Криштиану Роналду ўзининг профессионал футболчилик фаолиятидаги голлари сонини 600 тага етказиб олди.
Таъкидлаш керакки, португалиялик футболчи шуларнинг 529 тасини клублар сафида киритган бўлса, қолган 71 тасини терма жамоа либосида киритган.
