Тушларга ишонмайдиган одам кам бўлса керак. Кимдир тушларим ўнг келади, деб қатъий ишонса, баъзи бировлар ишонса-да, аммо тушларга у қадар аҳамият бермайди. Астрологларнинг фикрига кўра эса ҳар бир инсоннинг тушлари ижобати унинг қайси бурж остида туғилганига боқлиқ экан.
Билганингиздек, барча инсонлар ҳам ўнгидан келадиган тушлар кўриш қобилиятига эга эмас. Кўпинча Сув унсури остида туғилган кишилар келажакни айтиб берувчи тушлар кўриши мумкин экан. Улар, Балиқ, Қисқичбақа ва Чаён буржи остида туғилган кишилар ҳисобланади. Одатда улар ёрқин ва эсда қоларли тушлар кўрадилар. Ушбу бурж вакиллари тушларини эслаб қолиб, унинг амалга ошган ё ошмаганини текшириб ҳам кўрадилар. Аммо уларнинг тушлари мажозий бўлиб, бу тушлар талқин қилишга муҳтож бўлади. Шунинг учун уларни тўғридан-тўғри қабул қилиш мураккаб.
Аммо Балиқ буржи остида туғилганлар ўз тушларини ўзлари талқин қилиш қобилиятига эгалар, гарчи кўп чалкашликларга дуч келишса-да. Одатда Балиқларда муҳаббат ва болалар масаласидаги тушлари ўнг чиқади. Аммо фақат бу эмас. Кўпинча таваккал қиладиган ишлари, турли ютуқлар кабиларда ҳам уларнинг тушлари ўнг чиқиши мумкин.
Қисқичбақалар туш соҳасида жуда омадлилар. Улар одатда узоқ саёҳатлар ва бошқа мамлакатларга сафарлар кабиларни олдиндан кўра билиш қобилиятига эгалар.
Чаён буржи вакилларининг тушлари эса кўп ҳолларда хизмат, иш билан боғлиқ бўлганда ўнг келиши мумкин. Масалан, агар сиз тушингизда имтиҳон топшираётганингизни кўрсангиз, демак, муҳим бир ҳодиса арафасидасиз. Бу фақатгина туш мазмуни билан боғлиқ эмас, бошқа соҳаларда ҳам бўлиши мумкин.
Ҳаво унсури вакиллари — Эгизаклар, Тарози ва Қовғалар инсонлар орасидаги муносабат, шунингдек, турли тимсоллар ва чизмалар билан боғлиқ тушларга унчалик аҳамият бермаганлари маъқул. Тўғри, улар кўрган тушлари натижасида муҳим илмий кашфиётлар қилиши ёки бирон муаммосига жавоб олиши мумкин. Бу кўпроқ Эгизаклар буржида туғилганларга тааллуқли.
Аммо Тарози буржи остида туғилганлар романтик бўлиб, уларнинг тушлари ҳам кўпроқ муҳаббат борасида рост чиқади.
Қовға буржи остида туғилганларга ҳам бу борада омад кулиб боққан. Уларнинг ҳам тушлари кўпинча ўнг келади. Ўз тушлари ёрдамида улар ҳам турли кашфиётлар қилиши, юқоридан бирор ишора олишлари мумкин. Умуман, Қовғалар барча бурж вакилларидан кўра сирлироқ. Шунингдек, улар ҳамма вақт ҳам тушларини талқин қилавермайдилар, улар моддий оламдан кўра кўпроқ маънавий оламда яшашади.
Олов унсури остида туғилган Қўй, Арслон ва Ёй буржи вакиллари бой тасаввурлари билан мақтанса арзийди. Улар ҳатто ўз келажакларини ҳам дастурлаш хусусиятига эгалар. Тушларида нима кўрсалар, шу уларнинг ўнгида ҳам давом этиши мумкин. Одатда тушлари ўнгидан келувчилар орасида машҳур инсонлар: сиёсатчилар, ҳарбийлар, санъат кишилари кўп учрайди. Олов унсури вакиллари учун ёруғлик, ёрқин нарсалар кабиларни тушга кириши кўпинча ўнг бўлади.
Арслон буржи вакиллари эса кўпинча чиройли, аммо алдамчи туш кўради. Улар туш таъбирлари китобларини варақламас ҳам бўлади. Қўй ва Ёй буржи вакиллари учун муҳаббат, саёҳат, илм борасидаги тушлари ўнг келиши мумкин. Ушбу бурж вакиллари кенг миқёсдаги тушлар кўриши ва улар ўнг келиши мумкин. Фақат буни вақтида пайқаб олиш лозим, холос.
Ер унсурлари вакиллари бўлмиш Бузоқ, Сунбула ва Тоғ эчкиларининг тушлари ҳамма вақт ҳам ўнг келавермайди. Улар кўпинча кўрган тушларини унутиб ҳам юборишади. Аммо шундай бўлса-да, кўпинча қайсидир соҳаларда уларнинг тушлари ўнг келиши мумкин.
Масалан, Бузоқлар озиқ-овқат ва кийим, Сунбулаларда китоб ва ва бошқа хўжалик моллари, Тоғ эчкиларида эса қурилиш ва хўжалик каби соҳаларда кўрган тушлари ўнг келади. Уларнинг кўпчилиги асосан тушларида ҳайвонлар, ўсимликлар ва инсон аъзоларини кўради. Шунингдек, тушлари асосан аниқ бир масал юзасидан, масална, Бирон нима харид қилиш, ишдаги бирон ўзгаришлар кабиларда амалга ошиши мумкин.
