Sevimli

ЖУНГ ВУ ЙОНГ: ЖЧ САРАЛАШИДАГИ СЎНГГИ ЎЙИН САФАРДА ЎТИШИ БИЗГА ҚЎШИМЧА ЮК БЎЛАДИ

СПОРТ 15.08.2017, 14:43
Теглар: Футбол
ЖУНГ ВУ ЙОНГ: ЖЧ САРАЛАШИДАГИ СЎНГГИ ЎЙИН САФАРДА ЎТИШИ БИЗГА ҚЎШИМЧА ЮК БЎЛАДИ

Жанубий Корея терма жамоаси ҳамда Хитойнинг “Чонгкинг Лифан” клуби ярим ҳимоячиси Жунг Ву Йонг ЖЧ–2018 саралаш босқичидан ўрин олган сўнгги икки ўйин – Эрон ва Ўзбекистонга қарши беллашувлар олдидан нималар кутаётгани, жамоадаги ўрни ва бошқалар ҳақида сўзлаб берди. ОФК расмий сайти кореялик футболчининг ФИФА матбуот хизматига берган суҳбатини тақдим қилди.

“Дунёдаги барча футболчилар сингари Жаҳон чемпионатига йўлланма олишни энг асосий вазифа деб биламиз. Ёшликдан Жаҳон чемпионатига чиқишни орзу қиламиз. Тез орада ҳаммаси ҳал бўлади ва биз якунда афсусланишни истамаймиз. Россияда бўлиб ўтадиган ЖЧ–2018 турнирига йўл олишимизга ишонамиз”, – деди Жунг Ву Йонг.

27 ёшли футболчи, шунингдек, Жанубий Корея термасининг ЖЧ саралашидаги тақвими ноқулай эканини айтди. Кореяликлар 31 август куни ўз майдонида Эронни қабул қилса, 5 сентябрь куни Тошкентда Ўзбекистонга қарши майдонга тушади.

“Ростини айтиш керак, тақвим биз учун бироз ноқулай. Саралаш босқичидаги сўнгги ўйин сафарда (Ўзбекистонга қарши Тошкентда) ўтиши бизга қўшимча юк бўлади. Жанубий Корея термасида Осиёнинг кучли жамоаларига қарши муносиб кураша олиш қобилияти бор. Рақиб ким бўлишидан қатъи назар биз энг кучли эканимизга ишонамиз. Ўзимизга бўлган ишонч ёрдамида барча тўсиқлардан ўта оламиз”, – деб ўз фикрини давом эттирди ярим ҳимоячи.

ЖЧ–2018 саралаши давомида 7 ўйинда майдонга тушган Жунг Ву Йонг терма жамоага қандай келиб қолгани ва ундаги вазифалари ҳақида маълумот берди.

“Миллий терма жамоага Ули Штилике даврида, J-лигада тўп сурган пайтларимда чақирилганман. Менимча жисномий ҳолатим ва пас бериш қобилиятим ўшанда Штиликега маъқул келган. Жанубий Корея термаси сафида тўп сураётанимдан бахтиёрман. Албатта, ўз устимда ишлашда давом этишим керак. Терма жамоадаги вазифам кўп югуриб, ҳимоя ва ҳужумдаги шерикларимга ёрдам бериш. Миллий терма учун ҳар қандай позицияда ўйнашга тайёрман”, – деди “Чонгкинг Лифан” аъзоси Жунг Ву Йонг.

Эслатиб ўтамиз, Жанубий Корея терма жамоаси бош мураббийи Шин Тэ Йонг Эрон ва Ўзбекистонга қарши ўйинлар учун 26 футболчидан иборат таркибни эълон қилганди.

Шарҳлар

Италия футболи юлдузлари Тошкентга келади

07.05.2022, 09:03

Хабарингиз бор 17-18 май кунлари Тошкентда Италия ва Ўзбекистон футболи афсоналари учрашуви ўтказилиши режалаштирилган. Ўзбек футболининг 110 йиллигига бағишлаб ўтказилаётган ушбу ўйинда узоқ йиллар давомида...
“Локомотив” бош мураббийи Секейра: “Бу тизим билан Ўзбекистон МТЖ ҳеч қачон жаҳон чемпионатига бормайди”

23.10.2021, 22:16

Суперлиганинг 23-туридан ўрин олган "Қўқон-1912" - "Локомотив" (2:1) учрашувидан сўнг меҳмонлар бош мураббийи Микаэль Секейра фикрларини билдириб ўтди.Португалиялик мутахассис ўйиндан кейин ўзбек футболидаги тизимни кескин...
“Қайрат” жамоаси аъзолари жой олган самолёт ҳалокатга учради

22.10.2021, 14:47

Бортида Олмаотанинг “Қайрат” клуби футболчилари ва мураббийлар штаби бўлган самолёт ҳалокатга учради. Бу ҳақда Vesti.kz хабар бермоқда.Қайд этилишича, ушбу ҳодиса Олмаота халқаро аэропортида содир бўлган. FlyJet авиакомпаниясига...
“ПСЖ” Мбапппе учун қанча маош бериши очиқланди

15.10.2021, 11:47

Франциянинг “ПСЖ” клуби ҳужумчи Килиан Мбаппе билан янги шартнома имзолашдан умидвор.  АС хабар тарқатишича, парижликлар Мбаппега йилига 50 миллион евро маош беришга тайёр. Ўз навбатида...
Кун мавзуси: коронавирус
Об-ҳаво: Тошкент
+28.97° очиқ ҳаво
Валюта курси
10880.29
USD 4.92
11140.33
EUR 60.5
180.66
RUB -0.82
1