ПСЖ жамоасида тўп сурган ярим ҳимоячи Блез Матюиди тез орада “Ювентус” аъзоси сифатида таништирилади.
Франциялик футболчи туринликларнинг дастлабки тиббий кўригидан муваффақиятли ўтди. Навбатдаги текширувдан кейин томонлар 3 йиллик шартнома имзолайди.
Қайд этиш керакки, “Ювентус” Матюидининг трансфери учун ПСЖга 20 млн евро тўлайди. Ярим ҳимоячи самарали ўйин кўрсатса, парижликлар яна 10 млн еврога эга бўлади.
