БАХТЛИ, ОМАДЛИ ВА СЕВИМЛИ БЎЛИШИМИЗНИНГ 15 ШАРТИ!

1. Камчиликларингиз ҳақида ўйламанг! Бу энг биринчи ва муҳим қоидалардан бири. Сизда бор муаммолар бошқаларда йўқ, дейсизми?!
2. Ҳеч қачон, қандай вазият бўлишидан қатъи назар қаддингизни эгманг!! Эгилиб борганингиз сайин муаммолар гирдобига чўкиб кетаверасиз. Аксини қилсангиз, ўз-ўзидан ечимни ҳам тополасиз.
3. Тушкунликка тушиш?! У нима ўзи? Бу сизнинг ҳаётдаги асосий шиорингизга айланиши керак. Ҳар бир кундан завқланиб яшанг.
4. Тинглашни ўрганинг! Ўз фикрингизни ҳеч кимга уқтирманг. Шундай тингловчи бўлингки, атрофингиздагиларнинг ўзлари сизга талпинишсин.
5. Ўз ифорингизни топинг. Дидингизга мос келган атирдан мунтазам фойдаланинг.
6. Кимнингдир нусхасига айланманг. Ўз услубингизни топинг. Дугонангизнинг кийиниши, юриш-туришига ҳавас қилишингиз мумкин. Аммо худди унингдек бўлишга ҳаракат қилманг.
7. Сумкангизда ширинлик олиб юринг. Нега дейсизми? Айрим вазиятларда тилни ширин қилишга тўјри келади. Ана шунда фойдаланасиз. Бу ҳам дипломатия усулларидан бири.
8. Қадамингизни ўйлаб босинг. Аскарча юриш сизга ярашмайди. Ҳиром айлаб юришни ўрганинг. Токи сизни кўрганлар «Буни қандай уддаларкан» деб ҳавас қилишсин.
9. Фақат ўзингизники бўлган антиқа таом рецептини ўрганинг. Дўстлар давраси ёки меҳмонлар жам бўлганда асқатади. Шу баҳона фалончининг рецепти деган номга ҳам эга бўласиз, бизнинг «Ошхонда мўъжизалар» танловимизда қатнашинг.
10. Телефонда суҳбатлашаётганда баланд овозда гапирманг. Атрофингизда ҳеч ким бўлмаса ҳам барибир эҳтиётингизни қилганингиз маъқул. Бирор воқеани эшитсангиз, ҳиссиётларингизни (кўз ёш масалан) йўлакдан ўтиб-кетиб турганларга кўрсатиш шарт эмас.
11. Сиз актрисасиз! Кинода бўлмаса ҳам, ҳаётда бош роль фақат сизники бўлиши керак. Актрисаларнинг асосий иши — ролни қойилмақом ижро этиш.
12. Донолигингизни ҳадеб кўрасатаверманг. Айниқса, эркаклар билан суҳбатлашганда. Кучли жинс вакилларига салгина ён босиб, билмасвойлик қилиш ҳам фойда беради.
13. Маникюрга, албатта, эътибор беринг. Лак суртишга вақт топилмаса, ҳеч бўлмаганда тирноқларни текислаб туриш лозим.
14. Лабингиздан табассум аримасин. Ҳар қандай вазиятда ҳам кулиб туринг. Шунда сизга нисбатан бўлган ҳурмат, эътибор ва меҳр ортиб боради.
15. Ўзингиз ҳақингизда камроқ гапиринг. Одамларни қизиқтирган суҳбатдош бўлиш учун сирлилик фойдадан ҳоли эмас.