— Ҳозирги кунда бошимга тушган ташвиш сабаб енгил тинчлантирувчи дорилар қабул қиляпман. Валериана, пустирник дорилари ҳозирча таъсир қилаяпти, аммо охирги вақтларда тез-тез чарчаяпман. Балки бу дорилар таъсиридандир?
Б.Раҳимов, Қўқон шаҳри
Гули Акилова, олий тоифали шифокор-терапевт:
— Ушбу дорилар мутахассис тавсиясисиз узоқ вақт қабул қилинса, айрим асоратларга, масалан, уйқучилик, қувватсизлик, ишлаш унумининг сусайишига олиб келади. Агар ўзингизда шу аломатларни сезаётган бўлсангиз, албатта шифокорга мурожаат қилинг, у сизни текшириб керакли муолажаларни тавсия қилади.
