— Кўпинча ўзимни лоҳас сезаман, шифокор бунга уйқусизлик сабаб, деди. Киши кун бўйи тетик юриши учун неча соат ухлаши лозим?
Қ.Бобохонов, Шаҳрисабз шаҳри
— Кайфиятимиз, руҳий ҳолатимиз, яқинларга бўлган муносабатимиз, кўпинча тунда қандай ухлаганимиз билан боғлиқдир.
- 8 соат уйқу ўзимизни тетик ва кучимизга ишонувчан, кайфиятимиз аъло, кўринишимиз яхши бўлишига сабаб бўлади.
- 7 соатлик уйқу кишида маъюслик уйғотади, диққатни жалб қилиш учун зўр бериш керак бўлади, хотира сустлашиб, жисмоний чарчоқ сезилади.
- 6 соатлик уйқудан сўнг – атрофдаги ҳамма нарсадан асабийлашиш, тез қарор қабул қила олмаслик, вазннинг ошиши, иммунитетнинг камайиши кузатилади. Ҳаракатланишда чаққонолик ва нафислик йўқолади.
- 5 соатлик уйқу кишини тушкунликка туширади, жисмоний ҳолат икки баробар сустлашади, юрак ёки ошқозон хуружи содир бўлиш ҳолати кучаяди, киши ўзинимаст одамдек ҳис этади.
- Мунтазам равишда 4 соат ухлаган кишида қуюшқондан чиқиш, руҳий тушкунлик кузатилади.
Шундай экан, организм маромида ишлаши учун уйқуга алоҳида эътибор бериш зарур.
