КИЙИМЛАРНИ АСРАШ ҚОИДАЛАРИ

• Агар ипак кийим рангини йўқотган бўлса, 2 ош қошиқ сирка солинган 10 литр сувга 5 дақиқага ботириб қўйинг. Сўнг олиб, суви оқиб бўлганидан кейин қуруқ, тоза чойшабга ўраб қўйинг. Ипак матони сиқмаслик кераклигини унутманг.
• Ипак кийимларни совунли аралашмага ивитиш керак. Агар либос ўта ифлосланган бўлса, 10 литр сувга 10 мл. миқдорда ичимлик содаси ёки новшадил спирти қўшинг.
• Ипакдан тикилган либос юмшоқ бўлиши учун ловия, дуккаклилар ёки буғдой қайнатмаси билан чайиш даркор.
• Табиий мўйнани ҳеч қачон чўтка билан тозалаш, тараш мумкин эмас. Тенг миқдордаги сирка, спирт ва сув аралашмасини ифлосланган жойга суртиб, тезда тоза мато билан артиш керак.
• Мўйнага жило бериш учун уни буғдой ёрмаси (манная крупа) ёки картошка крахмали билан ишқалаб, сўнг яхшилаб қоқиб ташлаш керак.
• Агар мўйнали буюм намиқиб қолса, уни уй ҳароратида қуриши учун осиб қўйинг. Фен ёки иситиш мосламаси билан қуритманг.
• Манба: «SUG‘DIYONA» газетаси.