Ҳар куни бир қути сигарет сотиб олишга неча пул сарфлайсиз? Соғлиғингиз-чи? Ўпка, юрак, жигар касалликлари, бепуштлик, энг ёмони, ўпка саратони чўчитмайдими? Балки, тамаки чекишдан воз кечганингиз маъқулдир? ҳозирда бунинг учун бир қанча муолажа усуллари жорий қилинган.
- АНТИНИКОТИН САҚИЧЛАР
- КОНФЕТ
- ИНГАЛЯТОР
- ЕЛИМЛИ МАЛҲАМ (ПЛСТЫРЬ)
- ЭЛЕКТРОН ТАМАКИ
Организмда никотин моддасига қарамлик мавжуд бўлганида мазкур сақичлар асқотиши мумкин. Таъми нордон сақич организмга ножўя таъсир кўрсатмайди. Бироқ ошқозон яраси ва гастрит билан оғриган кишиларга тавсия этилмаслиги мумкин.
Конфет таркибида никотин моддаси оз миқдорда бўлиб, оғиз бўшлиғи шиллиқ қаватида таъсирга кириб, тамакига бўлган эҳтиёжни сусайтиради. Обакидон таъсири истеъмол қилинганидан 30 дақиқадан ўтгач, фаоллашади. Агар организм ушбу маҳсулотни қабул қилмаса, кўнгил айниши, жиғилдон қайнаши ёҳуд ҳиқичоқ тутиши каби безовталиклар кузатилиши мумкин.
Кўринишидан тамакига ўхшаш бўлса-да, махсус қурилмасида алмаштириш мумкин бўлган никотин касуласи бор. Ингалятор ишлатилганида кам миқдорда никотин таъсири ҳам сезилади. Мутахассислар фикрича бу восита аста-секинлик билан тамаки чекишни ташламоқчи бўлганларга ёрдам бериши мумкин.
Антиникотинли малҳамлар танага ёпиштирилгач, тери катаклари орқали таъсир этади. Оз миқдордаги никотин тамаки чекувчи учун сигаретнинг бир кунлик миқдорини таъминлаши мумкин. Бу усул ёрдамида бажарилган муолажада никотин моддаси оз-оздан камайтирилиб, мутлоқ мойиллик йўқолгунича олиб борилади.
Бугунга келиб, Европада анчайин оммалашган мазкур маҳсулот руҳий тарафлама тамакига бўлган тоъбелик билан курашишда ёрдам беради. Электрон тамаки ташқи кўринишидан ҳақиқийдек ишланган бўлиб, фойдаланишда ҳам махсус мосламалар ёрдамида олов таъсири ҳосил бўлади.
Манба: “SUG‘DIYONA” газетаси
