"Даракчи" газетасининг "Ўзбегим ошхонасига" лойиҳаси қаҳрамонлари Нигора “Итальянча паста” егиси келгани учун Ойбек рафиқасини “Палет” ресторанига олиб келди. Жуфтлик у ерда ошпаз Баҳром ҲАҚНАЗАРОВдан шу таомни пиширишни ўрганишга киришишди. Қизиқ, Нигора тез тайёрланадиган овқатга қизиқиб қолибди...
Зарур масаллиқлар (4 кишилик):
- 0,5 кг. ун,
- 200 гр. товуқ гўшти,
- 6та хонадон тухуми,
- 100 гр. порей пиёзи,
- 80 гр. зайтун ёғи,
- 200 гр. қўзиқорин
- 200 гр. қаймоқ
- Таъбга кўра туз, мурч, ўзига хос таъм берувчи зиравор: кийик ўти, пишлоқ.
Қайласи учун зарур масаллиқлар:
Тайёрланиши:
1-жараён:
Нигора: — Унга 6 та тухумни чақиб, устига 50 гр. зайтун ёғи ҳамда 40 гр. туз солиб хамир қорилади.
2-жараён:
Ойбек: — Хамирни истасангиз махсус мосламада кесиб олишингиз мумкин.
Бўлмаса, кесма лағмондагидек ёйиб тўғраса ҳам бўлади. 
Қайланинг тайёрланиши:
Нигора: — Ойбек, “Севгинатор-2”даги Манзура опа билан Муқаддас Холиқованинг овқат пишириш саҳнаси ёдимга тушиб кетди. Манзура Йўлдошева “Ойижон, картошкани ўзингиз артиб бера қолинг, сизда жуда чиройли чиқяпти-да”, дейди-ку айёрлик билан (мириқиб кулади).
Ойбек: — Ҳа, менда доим чиройли чиқади ўзи.
1-жараён:
Товуқни ўртача катталикда сомонча, порей пиёзи ярим ой шаклида тўғралади.
2-жараён:
Ойбек: — Нигора, ўзим қовуриб бера қолай-а? Демак, бошладик! 25 гр. зайтун ёғида порей пиёзи ўлгунича қовурилади.
- Хонадон тухумидан фойдалансангиз, хамирнинг ранги чиройли чиқади ва албатта, таомнинг мазаси ўзгача бўлади.
- Порей пиёзини ўрнига оқ пиёз ишлатса ҳам бўлади.
Садоқат АЛЛАБЕРГАНОВА тайёрлади. Фотомухбир: Ислом РЎЗИЕВ
