Нозима Дадабоева, Тошкент вилояти
Нодира ҲАМРОЕВА, шифокор-терапевт:
— Йўқ, бу қандли диабет хасталигининг аломати эмас. Сиз айтаётган белгилар одатда гастрит ёки холецистит белгиси сифатида қайд этилади. Эрталаб уйқудан уйғонгач, тилнинг карахт ҳолатга тушиши, оғизда тахирлик каби ўзгаришлар рўй беради. Қанд касаллигида эса оғизнинг қуриб қолиши фақат эрталаб эмас, балки кун давомида юз бериши мумкин. Безовталикларга аниқлик киритиш мақсадида гастроэнтролог шифокор кўригидан ўтинг. Парҳезга риоя этиб, овқатланиш тартибини қайта кўриб чиқсангиз, муаммодан осон халос бўласиз. Агар парҳез ёрдам бермаса, ундан кейингина дори препаратларига ўтиш мумкин.
