Тозаликка риоя қилинг!
- Овқат тайёрлашга киришишдан аввал қўлларингизни яхшилаб ювинг.
- Уй юмушлари ва ҳожатдан сўнг ошхонага қўлингизни ювмай кирманг!
- Овқат тайёрлашда ишлатиладиган ва бошқа хил ошхона жиҳозларини тоза тутинг.
Маҳсулотларни керакли даражада пиширилишини назорат қилинг!
- Ҳар бир таом тайёрланиш жараёнида қайнаб чиқиши лозим! Камида 70 даража ҳароратда таом тайёрланиши керак.
- Гўштли маҳсулотларни пишириш жараёнида уларни яхшилаб қовуриш лозим. Гўшт асло пушти рангда бўлмасин!
Сув ва озиқ-овқат маҳсулотларнинг сифатига эътиборли бўлинг!
- Истеъмол қилинадиган сув, албатта, қайнатилган бўлиши лозим.
- Маҳсулот харид қилиш жараёнида керакли мутахассислар томонидан сифати текширилганларини танланг.
- Мева ва сабзавотларни ювиб ишлатинг!
Пиширилган ва хом маҳсулотларни алоҳида сақланг!
- Хом мол, парранда ва балиқ ҳамда денгиз маҳсулотларини пиширилган маҳсулотлардан алоҳида сақланг. Музлаткичнинг бошқа-бошқа бўлинмаларидан фойдаланган маъқул.
- Хом гўшт маҳсулотларни кесиш учун алоҳида ошхона жиҳозларидан фойдаланишни маслаҳат берамиз.
Маҳсулотларни сақлаш жараёнида ҳароратга аҳамият беринг!
- Пиширилган маҳсулотларни хона ҳароратида 2 соатдан ортиқ қолдирманг!
- Овқатни сузишга қадар иссиқ ҳолда (60 даража иссиқликда) ушлаб туришга ҳаракат қилинг.
- Музлатилган маҳсулотларни хона ҳароратида эритманг! Яхшиси, бу ишни музлаткичнинг ҳарорати юқорироқ бўлинмасида амалга оширинг.
Манба: «SUG‘DIYONA» газетаси
