Осиёнинг тропик ўрмонларидан келган бу кўп йиллик гулнинг 20дан ортиқ тури мавжуд. Эпипремнум 10 метргача баландликка, чирмовиқ гулига ўxшаб, ўрмалаб ўсади. Xона ва айвонларни яшилликка буркаш мақсадида фойдаланилади.
1. Ёруғлик
Гулга қуёшнинг кундузги нурлари жуда муҳим, аммо тўғридан-тўғри қуёш нурлари тагига қўйманг. Ёруғлик етишмаганда барглар оқаришни бошлайди.
2. Ҳарорат
Гул турган хонада ёзда 18–24 даража, қишда эса 13–16 даража ҳароратни сақлаб туринг.
3. Суғориш
Баҳор, ёз ва куз фаслларида гулга доимий сув қуйиб туринг. Яъни ҳар 4–5 кунда бир марта. Қишда эса гул тупроғи қуриганидан “чанқаганини” тушуниб олишингиз мумкин. Іафтада бир сув қуйиш кифоя.
4. Ҳаво намлиги
Эпипремнум ўсаётган хонада ҳаво намлиги 60 фоизни ташкил этиши зарур. Ёзда гул баргларига ҳафтада 3 марта сув пуркаб туринг. Юқори ҳаво намлиги тез ва яxши ўсишини рағбатлантиради. Агар у иситгичлари бор хонада турса, иложи бўлса, ҳар куни сув пуркашни кандан єилманг.
5. Турпоғи
Тупроқ, торф ва қумни тенгма-тенг миқдорда аралаштириб, тагида тешикчалари бор тувакка солинг ва гулни экинг.
6. Кўпайтириш
Гулни қаламчасидан тезгина кўпайтириш мумкин. Истасангиз, сувга солиб қўйинг, истасангиз торфли турпоққа экиб, устини полиэтилен халта билан ёпган ҳолда, томир чиқартиринг. Гулни кўчириб экиш учун апрель ойи жуда мос. Ўзини тутиб олгунича ҳар йили, сўнг эса ҳар 2-3 йилда бир кўчириб ўтказинг.
Манба: «Sug'diyona» газетаси
