• 10 маротабадан ўтириб туриш ҳамда икки ёнбошга энгашиш машқларини бажаринг. Телевизор кўраётганда диванда ётиш керак, деб ким айтибди? Кўпроқ ҳаракат қилинг!
• Уйдаги барча ахлатларни тўплаб, ташқарига олиб чиқиш учун етарлича вақтингиз бор.
• Телевизор кўриб ўтирган хонангизни йиғиб олинг. 5 дақиқа ичида буюмларни жой-жойига қўйиш, идишларни ошхонага олиб бориш, китоб ва журналларни токчага териш каби ишларни бажаришингиз мумкин.
• Бир стакан сув ичинг. Бу организм учун жуда фойдалаи!
• Чангни артиб олинг. Масалан, телевизор, унинг экрани, DVD ҳамда столнинг устига эътибор қаратинг.
• Эртанги кун нонуштасини ёки иш, ўқишга олиб кетиладиган бутербродларни тайёрлаб қўйинг. Бу эртанги кун тонгида шошилганингиздан яхши эмасми?
• SMS ёзинг. Яқинларингиз, дўсту-биродарларингиздан шу тариқа хабар олиб қўйинг.
• Кун тартиби ёки режалар жадвалини тузиб қўйинг. Эртага, бир ҳафта ёки бир ой ичида нима ишларни қилишингиз лозимлиги ҳақида ўйлаб кўринг!
• Эртанги кун учун либос танланг. Дазмол қилиш ёки тикиб қўйиш керак бўлса, бу ишларни ҳозир бажаринг. Шунда эрталаб шошиб юрмайсиз.
• Ётоқхонани тартибга келтиринг. Бир – икки соатдан кейин уйқуга ётишни мўлжаллаётган бўлсангизда, кароват ва кўрпани тўғрилаб қўйинг. Ёстиқни уришни унутманг.
• Мазали ва фойдали бирор нарса еб олинг. Масалан, олма, нок, хурмо, анор ва қатиқ уйқу олдидан зарарсиз, шунингдек витаминларга ҳам бой.
• Телевизор пультидаги Mute тугмасини босинг ва шунчаки бир неча дақиқа тинчликда ўтиринг. Сувдек тез оқиб бораётган ҳаётимиз давомида сокинликдан баҳра олиш имконияти кам, мавжудларини эса қўлдан бой бермаслик керак!
