Дори препаратларининг сифати бузилган бўлса, уни қуйидаги белгилар ёрдамида аниқлаш мумкин. Диққат қилинг:
таблеткалар – бутун кўринишини йўқотган, ўртасидан дарз кетиб, иккига ажралган, идишидан олганингизда уваланиб кетади. Ранги ўзгарган, ёқимсиз ҳидга эга;
капсула – махсус ўрамидан тўкилиб тушади, синувчан ва юмшоқ, идишда бир-бирига ёпишиб қолган;
томчи дорилар – ранги тўқлашиб қолган, идиш тагида чўкма ҳосил бўлган, носпецифик ҳид пайдо бўлади;
мазь-суртмалари – фойдаланилганида майда тугунчалар ҳосил бўлгани кўзга ташланади, суюқлашиб қолганлиги, ранги ўзгаргани ҳамда таркибидаги сув миқдори қўлда қолаётганлиги билан фарқланади;
шамчалар – юзасида ёриқлар пайдо бўлган, ранги ўзгарган ва ёқимсиз ҳидга эга.
ЭЪТИБОР БЕРИНГ:
- Агар дори қутисида кўрсатилган яроқлилик муддати ўтиб кетган бўлса ёҳуд рақамлари кўринмаса, фойдаланманг.
- Препаратнинг фойдаланиш йўриқномасини тополмаётган бўлсангиз, билиб-билмай қабул қилишга шошилманг. Бундай вақтда дорихоналар тармоғи хизматига сим қоққан маъқул.
- Дори солинган идиш тагида кимёвий бўёқларга кўзингиз тушса, суюқ препаратларда кўкимтир чўкмаларни сезсангиз, яхшиси уни ташлаб юборинг.
- Борди-ю, дори воситасининг сақлаш жойи сифатида музлаткич ҳарорати кўрсатилган бўлса, албатта, унга амал қилинг.