— Мен пардоздан олдин биринчи бўлиб «Детский крем Алиса»дан суртаман. Чунки юз терим қуруқ. Кейин эса «Крем основа для макияжа» деган пардоз воситасидан фойдаланаман. Бундай кетма-кетликда пардоз қилишимнинг зарарли таъсири йўқми?
Нозима
Маҳбуба МАМАНОВА, косметолог: — Болалар креми қуруқ юз терисини намлантириб туриш хусусиятига эга. Бу кетма-кетликда пардоз қилиш мумкин. Фақат ҳаво ҳароратини ҳисобга олишни унутманг. Ҳозирги совуқ мавсум учун бундай пардоз воситаларининг зарари бўлмайди. Бироқ иссиқ мавсумда бундай кетма-кетлик тери катакларининг ёғлашишига олиб келиши мумкин. Асосийси, эрталабки пардозни кечга бориб, пахтали тампон ёрдамида тозалашни унутманг. Бунда сизга мойчечак ёки кўк чой дамламалари лосьон сифатида асқотади.
Манба: «SUG‘DIYONA» газетаси.
