Firefox браузерини ишлаб чиқарган Mozilla компанияси нархи $25 бўлган смартфон ишлаб чиқаришга ваъда берди.
Барселонада бўлиб ўтган халқаро мобил конгрессида Mozilla компанияси чипсет ишлаб чиқарувчи Хитойнинг Spreadtrum компанияси билан ҳамкор бўлганликларини маълум қилди. Компания вакилларининг айтишича, смартфон ишлаб чиқарувчилар iPhone билан рақобатлаша оладиган моделлар ишлаб чиқаришади. Бу эса смартфонларнинг нархи ошишига олиб келади.
Компания ривожланиб бораётган мамлакатлар аҳолисининг барчасида ҳам смартфон сотиб олишга имконият йўқлигини эслатиб ўтди.
Mozilla компаниясининг ушбу арзон сматфони қачон ишлаб чиқарилиши айтилмаган.
