— Турмушга чиқмаганман. Кўкрагимнинг ҳажмидан уяламан. Танамга номутаносиб, жуда кичкина. Операция ва гормонал таблеткаларсиз ҳажмини ўзгартириш мумкинми?
Шоҳсанам, 18 ёш, Тошкент шаҳридан
Дилобар МИРРАҲИМОВА, маммолог: — Кўкракнинг ўлчами ва ҳажмини катталаштириш мумкин. Бу ҳолда гормонал дорилар ёрдам бермайди. Кўкракни фақатгина оператив йўл билан катталаштириш мумкин. Турмушга чиқмаган қизларга оператив муолажа қўллаш тавсия этилмайди. Бундай ҳолларда кўкрак мушакларини мустаҳкамловчи гимнастика машқларини бажаришни маслаҳат берамиз. Бундай машқлардан кейин кўкрак қафасидаги мушаклар катталашади, шунинг ҳисобига кўкрак озгина катталашгандай бўлади, лекин кўкрак тўқималари ўсмайди. Фитнесга бориб, инструктор маслаҳати билан кўкрак мушаклари учун машқлар бажариш яхши натижа беради. Агар кўкрак ҳажми жуда ҳам кичик бўлиб, бу ҳолат киз боланинг турмуш қуришига тўсқинлик қилаётган бўлса, у ҳолда кўкрак ҳажми силиконли эндопротез ёрдамида катталаштирилади. Лекин биз шифокорлар авваламбор кўкрак безлари ўз функциясини (бола эмизиш) тўлақонли бажариб олиши керак, деб таъкидлаймиз. Агар сунъий равишда катталаштирилса, келажакда фарзандини эмиза олмаслиги мумкин.
Манба: «SUG‘DIYONA» газетаси.
