— Фарзандимни икки ёшгача эмиздим. Эмизишни тўхтатганимдан кейин кўкрагимнинг шакли ўзгарганини сездим. Буни тўғрилашнинг имкони борми?
Нигора, 23 ёш, бухоро вилоятидан
Дилобар МИРРАҲИМОВА, маммолог: — Бу кўкракнинг лактациядан кейинги птози дейилади. Бу ҳолат фарзандини эмизган аёлларнинг деярли барчасида учрайди. Аёл боласини эмизаётганида кўкрак безлари сутга тўлади, ҳажми катталашади, кўкрак териси чўзилиб кетади. Эмизиш тўхтатилгандан сўнг сут безлари аввалги ҳолатига қайтади: ҳажми кичраяди, чўзилган тери эса қисқармайди, балки осилиб қолади. Агар бу ҳолат аёл киши учун катта аҳамиятга эга бўлса ва аёл кўкрак шакли ва ҳажмини тиклашни хоҳласа, буни пластик жарроҳлик йўли билан амалга ошириш мумкин.
Манба: «SUG‘DIYONA» газетаси.
