Давлат хавфсизлик хизмати ва Божхона органлари ҳамкорлигида Зангиота туманида ўтказилган тезкор тадбирда 1994 йилда туғилган, Қорақалпоғистонлик фуқаро ушланган.
Текширув давомида хориждан юборилган сув насоси ичига 968 грамм “Альфа ПВП” синтетик гиёҳванд модда яширилгани аниқланган.
Шунингдек, унинг Тошкент шаҳри Янгиҳаёт туманидаги ижара уйида наркотик моддаларни қадоқлашда фойдаланилган электрон тарозилар, “зип” пакетлар ва скотчлар ҳам олинган.
Терговга кўра, гумонланувчи интернетдаги наркодўконда “омборчи” сифатида фаолият юритган.
Ҳолат бўйича жиноят иши қўзғатилган, тергов давом этмоқда.
