Тошкент ва Наманган вилоятларида трансимллий жиноий уюшма фаолиятига чек қўйилди
Ички ишлар вазирлиги маълумотига кўра, ҳуқуқ-тартибот идоралари томонидан ўтказилган тезкор тадбирлар давомида 26 килограммдан ортиқ гиёҳванд моддаларнинг контрабанда йўли билан олиб кирилиши тўхтатилди.
Тошкент вилояти Қибрай туманида ўтказилган тадбирда икки нафар гумондор 21,5 килограмм гашиш, опий ва метамфетамин моддаларини олаётган вақтда қўлга олинган.
Тергов давомида улар 1972 йилда туғилган шахс топшириғи асосида ҳаракат қилгани аниқланган. Ушбу шахс қўшни давлат фуқароси билан тил бириктириб, наркотик моддаларни Ўзбекистон ҳудудига олиб кириш билан шуғуллангани маълум қилинган.
Шунингдек, Наманган вилоятида ўтказилган яна бир тезкор тадбирда 1963 йилда туғилган, илгари судланган шахс 5 килограмм гашишни олаётган вақтда ушланган.
Ҳолатлар юзасидан жиноий иш қўзғатилган.
